На традиционалната манифестација за играч на годината која се одржа во април 2014 беа промовирани новите дресови и спонзорот Винарија Бовин ,а за женски играч на годината по трет беше прогласена бившата мис на Македонија Сузана Ал Салкини .
Специјален гостин на вечерта беше еден од основачите на IFMP и најголемиот спонзор и локомотивата на целиот проект со седиште во Лозана ,Г-дин Гери Бауман кој даде и кратко интервју за Канал5 ТВ .
Господинот Бауман беше голем пријател на Македонија и за време на неговиот престој го доби највисокото признание од федерацијата “Македонско Сонце “.
Тој почина по кратко боледување.
На сликата е со претседателот на МПФ ,Г-динот ПопГонов .
Водители на програмата беа Игор Џамбазов и Тања Петровска од МТВ.
Освен наградите за најдобар играч плакета за благодарност доби тогашниот амбасадор на Македонија со седиште во Виена Г-динот Ѓорги Филипов кој несебично ја подржа Македонската репрезентација за време на квалификациите 2012 година .
Првиот Капитен на Македонската репрезентација и доајенот на Македонскиот покер Ѓорги Чучук доби признание за успешно водење на тимот.
На забавата која траеше долго во ноќта беа забележани многу познати фаци од јавниот живот на државата.
